Akademie

Akademiese voortreflikheid bly die belangrikste aspek van die skoollewe by Jan Celliers. Om voortreflikheid te bevorder, is dit nodig om te differensieer en te individualiseer. Dit word bewerkstellig deur kleiner klasse en die gevolglike moontlikhede om te remedieer en te verryk. Nie net diegene wat probleme het op akademiese gebied nie, maar ook die akademiese-begaafde kind vind baat by die reëling. Klem word in alle klasse op probleemoplossing gelê, wat alle leerlinge kan bevoordeel. 

Die belangrikste akademiese bedrywighede in die laerskool bly lees, skryf en reken. Hierdie vaardighede word beklemtoon en die onderrig-metodes word gegrond op ‘n mengsel van bewese, tradisionele metodes en die modernste metodes in die wêreld. Die benadering tot die kind bly te alle tye simpatiek en beskermend

Die huidige leerplan sluit die aanvangsonderrig vir die grade in en sien soos volg daar uit:

• Afrikaans (eerste taal)
• Engels (eerste taal)
• Wiskunde
• MSW (Aardrykskunde en Geskiedenis)
• Algemene Wetenskap (skeikunde, natuurkunde en biologie)
• Zoeloe (vanaf gr. 3)
• Omgewingsleer (gr. 1 tot gr. 3)
• Gesondheidsopvoeding
• Klasmusiek (waardering, notasie, ritme, blokfluit en Orff-instrumente)
• Kunsopvoeding (met beklemtoning van die intellektuele ontwikkeling wat kuns meebring)
• Bybelonderrig
• Liggaamlike Opvoeding
• Inligtingkunde
• Rekenaarsgeletterdheid (vanaf gr.0)
• Tegnologie (vanaf gr.1)
• EBW (Ekonomiese Bestuurs Wetenskap (Slegs gr.7)