Jan Celliers

Ons Skool

BOODSKAP VAN DIE HOOF

Goeiedag Ouers,

Die Laerskool JAN CELLIERS – die skool waar elke kind spesiaal is – het meer as net ‘n trotse verlede, want ons staan vir ‘n ideaal. ‘n Ideaal om binne ‘n gebalanseerde, Afrikaanse skoolmilieu ruimte te bied vir elke unieke kind om sy/haar moontlikhede ten volle te ontwikkel. Daar word gestreef om die kosbaarste kleinood wat God in Sy skeppingsplan aan ons toevertrou het, as volwaardig toegeruste, afgeronde en gelukkige jongmense na die hoërskole van hul keuse te stuur.

Graag verwelkom ek u byvoorbaat by Laerskool JAN CELLIERS en verseker ek u dat u kind hier sy/haar mooiste en gelukkigste jare sal deurbring.

Ons streef na uitnemendheid.
Mev. Sanet Smit - Skoolhoof

ons skool

Geskiedenis

13 Desember 1933

Mnr. J. E. Reeler (voorsitter) & 12 ouers hou die eerste vergadering om die stigting van 'n Afrikaansmediumskool in die oorwegende Engelssprekende noordelike voorstede te bespreek.
Foto: Johannesburg, 1900’s
16 Januarie 1935

Die NOORDELIKE VOORSTEDESKOOL word in die Vrymesselaarsaal in Parktown-Noord geopen. Die skool het bestaan uit die eerste hoof, MNR. C.B LINDER 45 leerlinge & 2 personeellede.
Die kinders moes egter huis toe gaan, want die banke en skoolvoorrade het nog nie opgedaag nie.
Foto’s: 1. Die Vryemesselaarsaal 2. Die eerste onderwysers
12 Okt 1936 - 30 Nov 1937

Die skool word herdoop tot LAERSKOOL JAN CELLIERS. Skooldrag is ingestel en die leuse is GROEI.
Die saal word te klein en die skool verskuif na KIRRIBILLI.
Foto’s: 1. Die skool verskuif na Kirribilli, die destydse pawiljoen van die Parkview Gholfklub 2. Eerste skoolkommitee
9 April 1937

'n Stuk grond noord van die Dierentuinmeer word gekoop en die bouery begin.
Inhuldigingsaand wat deur +800 mense bygewoon is (insluitend Jan Celliers, Totius en Anton van Wouw).
Foto’s: 1. Program van die inhuldigingsaand 2. Grond wat aangekoop is
26 November 1938

Huidige gebou met die Groot Constantia-gewel en die saal word ingewy.
Foto: Huidige skoolgebou in aanbou
1942

MNR. B. HAVENGA word as hoof aangestel
Foto: Kinders tree aan in die vierkant
1945

MNR. A. PIENAAR word as hoof aangestel en bestuur die skool vir 23 jaar.
Fotos: Skoolhoof Mnr. A Pienaar en ’n leerling in sy kantoor
1 April 1949

Onthulling van die nuwe skoolwapen.
Foto’s: 1. Nuwe wapen 2. Jan Celliers Skoollied Woorde: P deV.-Pienaar Musiek: M.C. Roode
1968

MNR. J. B. SENEKAL word as hoof aangestel en bestuur die skool vir 24 jaar.
Foto’s: 1. Mnr. Jan Senekal 2. Die visdam voor die skool
1993

Eerste Afrikaansmedium privaatskool in die land en lid van die Vereniging van Privaatskole in Suid-Afrika.
Mev. A. B. PRETORIUS word as hoof aangestel.
Foto’s: 1. Dieselfde vierkant waar die leerlinge steeds aantreee 2. Mev. A. B. Pretorius
2006

Mnr. G. K. KEYTER word as hoof aangestel.
Foto’s: Mnr. Gerhard Keyter
16 Januarie 2015

80-jarige vieringe van Laerskool Jan Celliers se bestaan.
Vandag is die skool landwyd bekend as 'n voortreflike skool en die standaarde wat hier gehandhaaf word is alombekend.
Augustus 2022

Mev. Sanet Smit word as hoof aangestel.
Foto’s: Huidige hoof, Mev. Smit

ons skool

Boustene

WAARDEGEDREWE ONDERWYS

JAN CELLIERS Laerskool, Preprimêr en Speelskool is verbind tot waardegedrewe onderwys.

Ons het vier kernwaardes geïdentifiseer wat aan alle fasette van skoollewe by JAN CELLIERS gekoppel is.

Daar word verwag dat elke kind, ouer, onderwyser en rolspeler hierdie waardes as boustene sal erken en dit onderhou, uitbou en uitleef:

Respek
Integriteit
Betrokkenheid
Selfdissipline

MOEDERTAALONDERRIG

'n Groep Afrikaanse ouers het sedert 1933 die droom gekoester om moedertaalopvoeding te verseker.
JAN CELLIERS bou voort as 'n baken van hoop en groei in die Afrikaanse gemeenskap. Afrikaanse onderrig vind binne 'n normgedrewe en gedissiplineerde skoolmilieu plaas.

AFRIKAANSE DAG

Tydens Afrikaanse Dag beklemtoon ons JAN CELLIERS se Afrikaanse kultuurerfenis, taal, digkuns, prosa, kookkuns en volkshelde.

STORIE-AAND

Stories en boeke word vir leerlinge lewendig en aanloklik gemaak deur die prettige Storie-aande.

LEESUITDAGING

Leerlinge wys graag wat hul gelees het en word aangemoedig om dit neer te skryf. Ons besef by JAN CELLIERS die waarde van vlot lees en die vestiging van 'n leeskultuur. Leerlinge word blootgestel aan die beste kinderboeke op die mark, in beide Afrikaans en Engels.

‘Die behoefte aan 'n storie lê diep in ons almal’
- Audrey Blignaut.

CHRISTELIKE WAARDES

By JAN CELLIERS word ons waardesisteem deur Christelike beginsels onderlê en ons streef daarna om Christelike norme en waardes te handhaaf.

Godsdienstige oortuigings is 'n belangrike bron van ons identiteit, waardes en lewensbeskouing. Ons glo in die krag van 'n gemeenskap van gelowiges wat bestaan uit elke kind, personeellid, ouer en bestuurslid van ons skool.

VERRYKING

JAN CELLIERS streef na uitnemendheid en verryking is deel van die interne skoolkultuur.

Musiekteorie en musiekwaardering vorm deel van die klasmusiekprogram.
Musiek as vak, met 'n keuse van verskeie instrumente, word binne skoolure aangebied.
Skaak word as verpligte vak in Graad 0 en 1 aangebied.
Verskeie keuses van verrykende aktiwiteite, o.a. Frans, Lego-klub, Drama, Handvaardighede, Skaak, Tegnoklub, Jong Entrepreneurs en Eksperi-maatjies word tydens aktiwiteitsperiodes aangebied.
Zoeloe word as kommunikatiewe derde taal aangebied.
Alle leerlinge word weekliks aan ons uitstekende rekenaarleesprogram blootgestel.
Die voortdurende ontwikkeling van leerlinge d.m.v. vasvrageleenthede, redenaars aande en ander publieke optredes.

PRESTASIE

'n Strewe na sukses vorm deel van die interne skoolklimaat en daar bestaan 'n gesonde kultuur van prestasie in JAN CELLIERS.

Graad 7-leerlinge verwerf jaarliks beurse by talle top privaat hoërskole van hul keuse.
Leerlinge word blootgestel aan besondere uitdagings deur voortdurend met ander onafhanklike skole kragte te meet.
Prestasies en vordering van oudskoliere word voortdurend gemonitor en erken.
Gereelde deelname aan Olimpiades en Standaardiseringseksamens op nasionale- en internasionale vlak.